१७ श्रावण २०७८, आईतवार
  • हाम्रो बारेमा
  • विज्ञापन

महाकाली अस्पताललाई आर्थिक सहयाेग

प्रकाशित मिति :  १९ बैशाख २०७८, आईतवार ०८:२७


कञ्चनपुर । बेदकोट नगरपालिकाले महाकाली अस्पताललाई स्वास्थ्य सामग्री खरीदका लागि १० लाख रुपैयाँ आर्थिक सहयोग गरेको छ ।

नगरप्रमुख अशोक चन्दले आज अस्पताल व्यवस्थापन समितिका अध्यक्ष कृष्णदत्त जोशीलाई १० लाख रुपैयाँको चेक हस्तान्तरण गर्नुभएको छ । कोरोना महामारी नियन्त्रणका लागि अत्यावश्यक स्वास्थ्य सुरक्षा सामग्री, अक्सिजन, भेन्टिलेटरलगायत खरीदका लागि बेदकोटले आर्थिक सहयोग गरेको हो ।

चेक हस्तान्तरण गर्दै नगरका प्रमुख चन्दले काेभिड नियन्त्रणका लागि पाालिकाका तर्फबाट सहयोग गरिएको बताउनुभयो । अस्पताल व्यवस्थापन समितिका अध्यक्ष कृष्णदत्त जोेशी (बोक्सर)ले पालिकाबाट भौतिक, आर्थिक एवं नैतिक सहयोगको अपेक्षा गर्दै महाकाली अस्पतालममा कोरोना रोककथामका लागि प्रयास आवश्यक रहेको जानकारी दिनुभयो ।

अस्पतालमा अक्सिजनलगायत स्वास्थ्य उपकरणको अभाव भइरहेका बेला पालिकाबाट पाइएको सहयोगले केही राहत पुगेको उहाँले बताउनुभयो  । यसैगरी, भीमदत्त नगरपालिककाले समेत अक्सिजन खरीदका लागि अस्पताललाई २० लाख रुपैयाँ दिने घोषणा गरेको छ । कोरोनाको चेन तोड्नका लागि पालिकाले महाकाली अस्पतालसँग सहकार्य गरिरहेका छन् ।

सङ्क्रमितको  मृत्यु 

कञ्चनपुरको महेन्द्रनगरस्थित महाकाली अस्पतालमा उपचारार्थ भर्ना भएका दुईजना संक्रमितको आज बिहान ज्यान गएकाे छ ।

अस्पतालका कोभिड सम्पर्क व्यक्ति डा. गोविन्द रोकायाका अनुसार ज्यान गुमाउनेमा भीमदत्त नगरपालिका–७ का ५५ वर्षीया महिला र सोही नगरपालिका १८ का ४७ वर्षीय पुरुष रहेका छन् । महिलालाई श्वासप्रश्वासमा समस्या देखिएपछि शनिबार अस्पताल भर्ना गरिएको थियो ।

अक्सिजनको सहायतामा उपचार भइरहेकै अवस्थामा महिलाको ज्यान गएकाे हो । यसैगरी, गत वैशाख १४ गते कोरोना संक्रमित भई अस्पताल भर्ना भएका पुरुषको सघन उपचार कक्ष (आइसियु)मा उपचारका क्रममा आज ज्यान गएकाे छ ।

–रासस



प्रतिक्रिया दिनुहोस !