३० जेष्ठ २०७८, आईतवार
  • हाम्रो बारेमा
  • विज्ञापन

माओवादीका चार सांसद्को पद रिक्त भएको पत्र आयोगमा

प्रकाशित मिति :  ३ बैशाख २०७८, शुक्रबार ०७:०८


काठमाडौं । माओवादी केन्द्रले पार्टीबाट निर्वाचित चार प्रतिनिधि सभा सदस्यको पद रिक्त भएको औपचारिक पत्र निर्वाचन आयोगलाई पठाएको छ ।

माओवादी केन्द्रको पत्र गत चैत्र २७ गते नै निर्वाचन आयोगमा प्राप्त भएको आयोगका प्रवक्ता राजकुमार श्रेष्ठले बताउनुभयो ।

एमालेमा लाग्नुभएका टोपबहादुर रायमाझी,  लेखराज भट्ट, प्रभु शाह र गौरीशंकर चौधरीलाई माओवादीले कारबाही गरेको थियो । उहाँहरुलाई माओवादीले सांसद्बाट हटाइसकेको छ । सोही व्यहोरा माओवादीले आयोगलाई जानकारी गराएको हो ।

टोपबहादुर रायमाझी अर्घाखाँचीबाट, गौरीशंकर चौधरी कैलाली–३ बाट, लेखराज भट्ट कैलाली–४ बाट र प्रभु शाह रौतहट ३ बाट निर्वाचित हुनुभएको थियो । अब ती ठाउँमा उपनिर्वाचन हुने छ ।

रिक्त रहेका पदहरुमा कहिले चुनाव गर्ने भन्ने विषयमा भने छलफल नभएको प्रवक्ता श्रेष्ठले बताउनुभयो । उहाँले भन्नुभयो– ‘चुनाव हुन्छ, तर कहिले गर्ने भन्ने विषयमा छलफल भएको छैन ।’

प्रतिनिधि सभाको कार्यकाल ६ महिना बढी बाँकी रहँदै पद रिक्त भए पुन उप निर्वाचन गर्नुपर्ने संवैधानिक व्यवस्था छ ।  तर त्यसअघि अर्ली निर्वाचन भयो भने उप चुनाव हुँदैन । देश चुनावमा जान्छ ।

-आईएनए न्युज एजेन्सी



प्रतिक्रिया दिनुहोस !