४ असार २०७८, शुक्रबार
  • हाम्रो बारेमा
  • विज्ञापन

प्रदेश १ मा एमाले सांसद्ले लिए अविश्वास प्रस्ताव फिर्ता

प्रकाशित मिति :  १८ चैत्र २०७७, बुधबार ०४:१७


काठमाडौं । संसदीय दलको निर्देशन पछि प्रदेश १ सरकार विरुद्ध अविश्वास प्रस्तावमा हस्ताक्षर गर्ने एमाले सांसद्ले आफ्नो हस्ताक्षर फिर्ता लिएका छन् ।

नेकपा विभाजन नहुँदै प्रस्तावमा हस्ताक्षर गर्ने एमाले सांसद्हरुले एमाले संसदीय दलको निर्देशन पछि मंगलबार प्रस्ताव फिर्ता लिएको पत्र प्रदेश संसद् सचिवालयमा दर्ता गराएका छन् ।

मुख्यमन्त्री शेरधन राई विरुद्ध गत पुस १२ गते तत्कालीन नेकपाका ३७ जना सांसद्ले अविश्वास प्रस्ताव दर्ता गराएका थिए । ती मध्ये केही सांसद्ले यस अघि नै सो प्रस्ताव फिर्ता  लिई सकेका छन् ।

प्रस्ताव फिर्ता लिनेमा भीम आचार्य लगायतका सांसद छन् । अविश्वास प्रस्ताव दर्ता गर्दा शेरधन राईलाई हटाएर भीम आचार्यलाई मुख्यमन्त्री बनाउन प्रस्ताव गरिएको थियो ।

उहाँहरुले सर्वोच्च अदालतको फैसलाले नेकपा एमाले र माओवादी केन्द्रलाई पूर्ववत अवस्थामा फर्काएको कारण राजनीतिक परिस्थिति परिवर्तन भएकोले प्रस्ताव फिर्ता लिएको उल्लेख गर्नुभएको छ । पत्रमा भनिएको छ,‘सर्वोच्च अदालतको फैसलाले नेपाल कम्युनिष्ट पार्टी (ने क पा) लाई खारेज गरी नेकपा (एमाले) र नेकपा माओवादी केन्द्रलाई पूर्ववत अवस्थामाप पुर्नस्थापना गराइदिएपिछ नयाँ राजनीतिक परिस्थिति निर्माण भएकोले अविश्वासको प्रस्तावमाथि समर्थन गर्ने हामी तपसिलका प्रदेश सभा सदस्यहरुले अविश्वासको प्रस्ताव माथिको समर्थन फिर्ता लिएका छौँ ।’



प्रतिक्रिया दिनुहोस !