१ श्रावण २०८१, मंगलवार
  • हाम्रो बारेमा
  • विज्ञापन

हामीले चिनेको रवि लामिछाने अब रहनुभएनः मुकुल ढकाल

प्रकाशित मिति :  २६ असार २०८१, बुधबार १५:५९


काठमाडौं । राष्ट्रिय स्वतन्त्र पार्टीका निलम्बित महामन्त्री डा. मुकुल ढकालले आफूले चिनेको जस्तो रवि लामिछाने अब नरहेको बताउनुभएकाे छ ।

बुधबार खपार्टीबाट निलम्बित भएपछि पत्रकार सम्मेलन गर्दै उहाँले रवि लामिछाने एक्सन म्यान भएतापनि अब पहिलाको जस्तो नरहेको बताउनुभएकाे छ।

उहाँले भन्नुभयाे, ‘हामीले चिनेको रवि लामिछाने त्यस्तो होइन । तर, हामीले चिनेको रवि लामिछाने अब रहनुभएन, ।’

उहाँले देश बाढीपहिरोको संकटमा भएका बेला गृहमन्त्री रवि लामिछानेले उचित संवेदनशीलता देखाउन नसकेको समेत बताए । लामिछाने पीडितको उद्धारमा खट्नको सट्टा महामन्त्रीलाई कारबाही गर्ने कि नगर्ने भनेर दिनभर बैठक व्यस्त रहेको उहाँको भनाई छ ।

उहाँले भन्नुभयाे,‘देशमा बाढी पहिरोको संकट छ । राष्ट्रिय स्वतन्त्र पार्टीका सभापति रवि लामिछाने उपप्रधानमन्त्री तथा गृहमन्त्री हुनुहुन्छ । उहाँ नागरिकलाई कसरी उद्धार गर्ने, कसरी राहत दिने भनेर खट्नुभएको छैन् । उहाँ महामन्त्रीलाई कारबाही गर्ने कि नगर्ने भनेर दिनभर बैठक राखेर बसिरहनुभएको छ ।’

 


452
Shares

प्रतिक्रिया दिनुहोस !