कांग्रेस संसदीय दलको बैठक बस्दै
प्रकाशित मिति : २७ बैशाख २०८१, बिहीबार १०:५८
काठमाडौं । प्रमुख प्रतिपक्षी नेपाली कांग्रेसको संसदीय दलको बैठक आज बस्दैछ ।
दिउँसो २ बजे बस्ने बैठकमा संसद्काे बजेट अधिवेशन, संसद्मा पार्टीकाे प्रस्तुति र रणनीति लगायत विषयमा छलफल हुने कांग्रेसले जनाएकाे छ ।
सहकारी ठगी काण्डमा उपप्रधान तथा गृहमन्त्री रवि लामिछानेमाथि छानबिनका लागि संसदीय छानबिन समिति बनाउनुपर्ने अडान लिँदै आएकाे कांग्रेसले यस विषयमा पनि निर्णय गर्नेछ ।
संसद्काे बजेट अर्थात बर्खे अधिवेशन भाेलि वैशाख २८ गतेदेखि सुरु हुँदैछ ।
