वाग्मतीमा आजदेखि तामाङ र नेपाल भाषा पनि सरकारी कामकाजको भाषा
प्रकाशित मिति : २४ बैशाख २०८१, सोमबार ११:५१
काठमाडाैं । वाग्मती प्रदेशमा आजदेखि तामाङ र नेपाल (नेवारी) भाषा पनि सरकारी कामकाजको भाषाको रूपमा कार्यान्वयन हुने भएकाे छ ।
वाग्मती प्रदेश सरकारले बनाएको प्रदेश सरकारी कामकाजको भाषा ऐन, २०८० आजदेखि लागू हुने भएको हो । बिहान ९ बजे वसन्तपुरमा शुभारम्भ कार्यक्रम राखिएकाे छ ।
०८० कात्तिक २३ गते राजपत्रमा त्यस विषयमा सूचना प्रकाशन भएको थियाे । त्यसकाे १८० दिनपछि आज भाषा दिवस घोषणा गर्दै वाग्मती प्रदेश सरकारले कार्यान्वयनको औपचारिक शुभारम्भ गर्न लागेकाे हाे ।