नक्कली भ्याट बिल बनाइ कर छलीको आरोप लागेको भाटभटेनीले २ अर्ब रुपैयाँ राज्यकोषमा बुझाउनुपर्ने
प्रकाशित मिति : १७ माघ २०८०, बुधबार ०५:२०
काठमाडाैं । नक्कली भ्याट बिल बनाइ कर छलीको आरोप लागेको भाटभटेनीले २ अर्ब रुपैयाँ राज्यकोषमा बुझाउनुपर्ने भएकाे छ ।
भाटभटेनी डिपार्टमेन्ट स्टोरमाथि भएको कर निर्धारण र जरिवानालाई सर्वोच्च अदालतको पूर्ण इजलासले सदर गरेपछी भाभटेनीले उक्त जरीवाना तिर्नुपर्ने भएकाे हाे ।
न्यायाधीशहरु डा.कुमार चुडाल, टेकप्रसाद ढुंगाना र बालकृष्ण ढकालको इजलासले भाटभटेनीकाे फैसलालाई सदर गरेको हो ।
नक्कली भ्याट बिल बनाइ कर छलीको आरोप लागेको भाटभटेनीमाथि यसअघि सर्वोच्च अदालतले गरेको फैसलालाई नै न्यायाधीशहरुको इजलासले सदर गरेको हो ।
यस फैसला भएपछि अब भाटभटेनी डिपार्टमेन्ट स्टोरले कर, जरिवाना र ब्याज बापत करिव २ अर्ब रुपैयाँ हाराहारीको रकम राज्यकोषमा बुझाउनुपर्ने भएकाे छ ।
