फैलियाे गद्दार सांसद्ले सनसिटी अपार्टमेन्टमा फ्ल्याट पाउने खबर
![](https://i0.wp.com/www.risingsunkhabar.com/wp-content/uploads/2021/07/sun_city_appartment.jpg?fit=1200%2C588&ssl=1)
काठमाडौं । शेरबहादुर देउवालाई विश्वासको मत दिन आफ्नो पार्टीलाई गद्दारी गर्ने सांसद्हरुले ठूलो लाभ पाएको खबर आउन थालेको छ ।
कैयन मिडियाहरुले त्यस्तो खबर दिइरहेका छन् । साँघु न्युज डटकम र दैनिकी डटकमले दिएको समाचार अनुसार सांसद्हरुलाई सत्ता गठवन्धनले काठमाडौंको सनसिटी अपार्टमेन्टमा फ्ल्याट दिएको छ ।
आफ्नो पार्टीलाई गद्दारी गर्ने सांसद् अहिलेसम्म एमाले र जसपामा देखा परेका छन् । तीमध्ये जसपाका सांसद्हरुले सनसिटी अपार्टमेन्टमा फ्ल्याट पाउन थालिसकेको समाचारमा जनाइएको छ ।
सांसद् किन्न रकम खर्च गरिएको र फ्ल्याट दिइएको बारेमा ठूलै छानविन हुनुपर्ने अवस्था आएको छ । तर, देउवा सरकारले छानविन गर्न दिने छैन ।
सनसिटी अपार्टमेन्ट काठमाडौंको गोठाटारमा रहेको छ । सो अपार्टमेन्टको फ्ल्याट काठमाडौंकै महंगो मध्येमा पर्छ ।
प्रतिनिधि सभामा आज अपरान्ह चार बजेपछि प्रधानमन्त्री देउवाले विश्वासको मत लिँदै हुनुहुन्छ ।