रामेछापमा नौ स्वास्थ्यकर्मी सहित २२ मा कोभिड संक्रमण
प्रकाशित मिति : १८ बैशाख २०७८, शनिबार १२:५६
![](https://i0.wp.com/www.risingsunkhabar.com/wp-content/uploads/2021/05/स्वास्थ्य-कार्यालय-रामेछाप.jpg?fit=1600%2C844&ssl=1)
रामेछाप । रामेछापमा शनिबार थप १३ जनामा कोभिड संक्रमण पुष्टि भएको छ ।
सक्रमित हुने मध्ये ९ जना एउटै अस्पतालका स्वास्थ्यकर्मी छन् । शुक्रबार मन्थली स्थित तामाकोसी अस्पतालबाट ३८ जनाको स्वाब परीक्षणको लागि पठाइएको थियो । ती मध्ये १३ जनामा संक्रमण देखिएको छ ।
स्वास्थ्य कार्यालय रामेछापका जनस्वास्थ्य अधिकृत भुवन थापाका अनुसार शनिबार संक्रमण पुष्टि हुनेमा आठ पुरुष र पाँच जना महिला छन् । संक्रमित स्वास्थ्यकर्मी बाहेक सोही अस्पतालमा उपचार गराइरहेका बिरामी हुन् । यस अघि पनि सो अस्पतालमा उपचार गराइरहेका आठ जना बिरामीमा संक्रमण पुष्टि भएको थियो ।
योसँगै रामेछापमा सक्रिय कोभिडका बिरामीको संख्या ४१ पुगेको छ ।
-आइएनए न्युज एजेन्सी
0
Shares