स्थगित भयाे कांग्रेस केन्द्रीय समिति बैठक

काठमाडाैं । नेपाली कांग्रेस केन्द्रीय समितिको बैठक स्थगित भएको छ ।

सोमबार दिउँसाेका लागि बोलाइएको बैठक स्थगित भएकाे मुख्यसचिव कृष्णप्रसाद पाैडेलले जानकारी दिनुभयाे । वरिष्ठ नेता रामचन्द्र पौडेलका भाइ गोविन्दराज पौडेलको निधन भएका कारण बैठक स्थगित भएको पाैडेलले बताउनुभयाे ।

आजकाे बैठकमा समसामयिक घटनाक्रम, पछिल्लाे राजनीति अवस्था, क्रियाशील सदस्यता विवाद समाधान र महाधिवेशनको कार्यतालिका हेरफेर लगायत विषयमा छलफल गर्न तय थियाे । अर्काे बैठककाे मिति साँझसम्म ताेकिने पाैडेलले जानकारी दिनुभयाे ।